Тоҷикистон аз 1 январи соли 2017 низоми нави электронии барасмиятдарорӣ ва судури раводидро ҷорӣ менамояд

Декабр 17, 2016 10:02

Хабарҳои мавзӯъ

МИД

ДУШАНБЕ, 17.12.2016 /АМИТ «Ховар»/. Вазорати корҳои хориҷии Ҷумҳурии Тоҷикистон ба маълумоти шаҳрвандон мерасонад, ки аз 01 январи соли 2017 дар Ҷумҳурии Тоҷикистон барои шаҳрвандони хориҷӣ ва шахсони бешаҳрвандӣ низоми нави электронии барасмиятдарорӣ ва судури раводид дар намояндагиҳои дипломатӣ ва муассисаҳои консулии Ҷумҳурии Тоҷикистон дар хориҷа, Сарраёсати консулии Вазорати корҳои хориҷии Ҷумҳурии  Тоҷикистон ва фурудгоҳҳои Тоҷикистон ҷорӣ мегардад.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, низоми нав ба соддагардонии барасмиятдарории раводиди Ҷумҳурии Тоҷикистон равона гардида, қадами навбатӣ барои электроникунонии хизматрасониҳои давлатӣ ба ҳисоб меравад.
Минбаъд шаҳрвандони хориҷӣ ва шахсони бешаҳрвандӣ барои барасмиятдарории раводиди Ҷумҳурии Тоҷикистон дар намояндагиҳои дипломатӣ ва муассисаҳои консулии Ҷумҳурии Тоҷикистон дар хориҷа ва тамдиди раводид дар Сарраёсати консулии Вазорати корҳои хориҷии Ҷумҳурии  Тоҷикистон бояд ҳуҷҷатҳои заруриро тавассути шабакаи интернетии www.visa.gov.tj пешниҳод намоянд. Дар натиҷаи баррасии пешакӣ, дархосткунанда аз тариқи почтаи электронӣ ба назди корманди консулӣ барои барасмиятдарории корҳои зарурӣ даъват карда хоҳад шуд.
Бояд зикр кард, ки барасмиятдарории раводиди Ҷумҳурии Тоҷикистон дар фурудгоҳҳои ҷумҳурӣ низ тавассути шабакаи интернетии www.visa.gov.tj сурат хоҳад гирифт. Дар натиҷаи баррасии пешакӣ, низоми электронӣ ба дархосткунанда аз тариқи почтаи электронӣ тасдиқи даъватро ирсол мекунад, ки он бояд ҳангоми парвоз ва дар бюроҳои консулии Сарраёсати консулӣ дар фурудгоҳҳо ҳамчун ҳуҷҷати тасдиқкунанда барои дастрас намудани раводиди Ҷумҳурии Тоҷикистон пешкаш гардад.
Бо мақсади пешгирии нофаҳмӣ, ба маълумоти шаҳрвандон  мерасонем, ки низоми нави электронии барасмиятдарории раводиди Ҷумҳурии Тоҷикистон ба низоми «Раводиди электронӣ»-и Ҷумҳурии Точикистон вобастагӣ надорад. Чуноне ки маълум аст, «Раводиди электронӣ»-и Ҷумҳурии Тоҷикистон тавассути шабакаи интернетии алоҳида — www.evisa.tj сурат гирифта, яккарата мебошад ва ба муҳлати 90 рӯз амал мекунад. Дорандаи он метавонад дар қаламрави кишвар аз санаи воридшавӣ на зиёда аз 45 рӯз қарор дошта бошад. «Раводиди электронӣ»-и Ҷумҳурии Тоҷикистон тамдид карда намешавад, ба истиснои ҳолатҳои фавқулода (форс-мажорӣ).

Декабр 17, 2016 10:02

Хабарҳои дигари ин бахш

МИД (1)Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
DSC02711Дар Котиботи Созмони ҳамкории Шанхай дар шаҳри Пекин Стратегияи миллии рушд барои давраи то соли 2030 муаррифӣ гардид
Машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои АвстралияМашваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои Австралия
Баррасии ҳамкориҳои Тоҷикистону Ҷумҳурии СловакияБаррасии ҳамкории Тоҷикистону Словакия дар Брюссел
Jean Asselborn avec le ministre des Affaires étrangères de la République du Tadjikistan, Sirodjidin AslovМулоқоти вазирони корҳои хориҷии Тоҷикистон ва Люксембург
Вохӯрӣ бо Ноиби президенти Бонки сармоягузории АврупоС.Аслов ва В. Худак ҳамкории самараноки Тоҷикистон бо Бонки сармоягузории Аврупоро баррасӣ карданд
Мулоқоти С.Аслов бо Дабири кулли Хадамоти аврупоии амалиёти хориҷии Иттиҳоди АврупоМулоқоти С.Аслов бо Дабири кулли Хадамоти аврупоии амалиёти хориҷии Иттиҳоди Аврупо
IMG_0184Баррасии масъалаҳои мубрами ҳамкории Тоҷикистон бо Паймони Неру дар Брюссел
зардолу_2Намояндаи доимии Тоҷикистон дар СММ дар Конфронс бахшида ба Идораи масоили бехатарӣ дар Осиёи Марказӣ сухан гуфт
Мулоқоти Вазири корҳои хориҷии Тоҷикистон бо Вазири корҳои хориҷии Шоҳигарии БелгияМулоқоти Вазири корҳои хориҷии Тоҷикистон бо Вазири корҳои хориҷии Шоҳигарии Белгия
IMG_0015Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо
18452739_1296752180402493_259540465_oМулоқоти вазирони корҳои хориҷии Тоҷикистону Қатар дар Давҳа