Муовини сардори шуъбаи кофтукови ВКД ва мутахассиси шуъбаи меъморӣ ва шаҳрсозии шаҳри Кӯлоб барои гирифтани пора айбдор мешаванд

Феврал 24, 2017 11:09

Хабарҳои мавзӯъ

ВКД пора

ДУШАНБЕ, 24.02.2017 /АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз боздошти муовини сардори шуъбаи кофтукови Вазорати корҳои дохилии Ҷумҳурии Тоҷикистон, подполковники милитсия Мирзоалӣ Абдуллоев ва Баҳодур Гулмаҳмадов, мутахассиси шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб барои гирифтани пора ба маблағи калон хабар медиҳад. Тавре ки дар сомонаи Агентии мазкур омадааст, Мирзоалӣ Абдуллоев дар вазифаи муовини сардори шуъбаи кофтукови Вазорати корҳои дохилии Ҷумҳурии Тоҷикистон кор карда, бо мақсади қаллобӣ ба боварии шаҳрванд «А» даромада, гӯё ба воситаи шахсони масъули Раёсати тафтишотии ВКД Ҷумҳурии Тоҷикистон барои барқарор намудани зарари ҷабрдидагон ва минбаъд қатъ намудани парвандаи ҷиноятӣ нисбат ба писараш аз шаҳрванд «Б» 30.000 доллари ИМА, ҳамчунин аз худи шаҳрванд «А» 13500 доллари ИМА гирифта, ягон амали ваъда кардаашро иҷро накардааст.
Ҳамчунин дар сомонаи Агентии назорати молиявӣ ва мубориза бо коррупсия 22 феврал хабари боздошти Баҳодур Гулмаҳмадов, мутахассиси шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб нашр гардидааст.
Дар хабар омадааст, ки Баҳодур Гулмаҳмадов дар вазифаи мутахассиси шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб кор карда, бо роҳи фиреб ба боварии як гурӯҳ шаҳрвандон даромада, дар панҷ ҳолат дар алоҳидагӣ аз онҳо барои ҷудо намудани 0,06 га қитъаи замини наздиҳавлигӣ маблағи 8000 сомонӣ талаб намуда, дар маҷмӯъ 40.000 сомониро тасарруф намудааст.
Нисбат ба Абдуллоев М.Х. бо моддаи 247 қисми 4 банди «б» КҶ Ҷумҳурии Тоҷикистон ва нисбат ба Гулмаҳмадов Б.А. бо моддаи 247 қисми 3 банди «а»-и КҶ Ҷумҳурии Тоҷикистон парвандаи ҷиноятӣ оғоз карда шуда, тафтишоти пешакии он идома дорад.
Дар робита ба боздошти муовини сардори шуъбаи кофтукови Вазорати корҳои дохилии Ҷумҳурии Тоҷикистон, подполковники милитсия Мирзоалӣ Абдуллоев, дирӯз дар сомонаи Вазорати корҳои дохилии Ҷумҳурии Тоҷикистон раддия ба нашр расид. Дар раддия зикр гардидааст, ки Мирзоалӣ Абдуллоев, собиқ шунавандаи курси 2-юми факултети №1-и Академияи Вазорати корҳои дохилӣ буда, аз 1 феврали соли 2017 бо хоҳиши худ аз кор дар мақомоти корҳои дохилӣ озод карда шудааст.

Феврал 24, 2017 11:09

Хабарҳои дигари ин бахш

нашъаНеруҳои амниятии кишвар кӯшиши қочоқбаронро дар марзи Тоҷикистону Афғонистон барбод доданд
055Чӣ тавр компютер ва дигар таҷҳизоти иттилоотию кооммуникатсиониро дар Тоҷикистон аз ҳамлаҳои хакерӣ эмин бояд нигоҳ дошт?
Боздошти шахрванди киргизистонБоздошти шаҳрванди Ҷумҳурии Қирғизистон бо гумони ба муомилот баровардани 44 кг симоби металлӣ
DSC_5780ИМА ба Қӯшунҳои сарҳадии Тоҷикистон 15 мошин ва дигар таҷҳизоти техникӣ кумак намуд
Саидшариф Суд-3Собиқ сардори Раёсати сохтмони асосии шаҳри Душанбе барои азхудкунии маблағҳои калони буҷетӣ зимни сохтмони Беморхонаи «Истиқлол» аз озодӣ маҳрум гардид
вохурии намояндагони ВКДНамояндагони Вазорати корҳои дохилии Тоҷикистон ва Вазорати бехатарии ҷамъиятии Хитой масоили амнияти минтақавиро баррасӣ карданд
WEF-3ФОРУМИ УМУМИҶАҲОНИИ ИҚТИСОДӢ ТОҶИКИСТОНРО КИШВАРИ БЕХАВФТАРИНИ ОСИЁИ МАРКАЗӢ НОМИД!
Сархад 4Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
СархадДар Қӯшунҳои сарҳадӣ ҷаласаи ҳисоботӣ баргузор гардид
01Қочоқчиёни маводи нашъаовар маҳкум гардиданд
совбез5Котибони Шӯрои амнияти давлатҳои СҲШ масъалаҳои мубрами байналмилалӣ ва минтақавиро баррасӣ намуданд
Машқҳои муштараки баталионӣ-тактикии зидди террористӣ дар машқгоҳи «Чоруқ-Дарон»-и гарнизони СуғдМашқҳои муштараки баталйонӣ-тактикии зиддитеррористӣ дар «Чоруқ-Дарон»-и гарнизони Суғд