Қочоқчиёни маводи нашъаовар маҳкум гардиданд

Апрел 12, 2017 11:46

Хабарҳои мавзӯъ

01

ДУШАНБЕ, 12.04.2017 /АМИТ «Ховар»/. Ду нафар аъзои гурӯҳи муташаккили ҷиноятии фаромиллӣ бо ҳукми суд барои 20- 25 сол аз озодӣ маҳрум гардиданд. Дар ин бора ба АМИТ «Ховар» аз маркази матбуоти Агентии назорати маводи нашъаовари назди Президенти Ҷумҳурии Тоҷикистон хабар доданд.
Ба иттилои манбаъ, ин гурӯҳи муташаккили ҷиноятии фаромиллӣ моҳи декабри соли гузашта аз ҷониби кормандони агентӣ ошкор гардида, роҳбар ва аъзои фаъоли он — шаҳрванди Ҷумҳурии Тоҷикистон Нуралӣ Бобоев ва шаҳрванди Ҷумҳурии Исломии Афғонистон Муҳаммад Сиддиқи Зирак бо 203 кг. 622 грамм воситаи нашъадори навъи ҳашиш дастгир карда шуданд.
 Дар асоси маълумоти мавҷуда, шаҳрванди Ҷумҳурии Тоҷикистон Нуралӣ Бобоев, бо тахаллуси «Нури-Қарағоч» роҳбари тоҷикистонии гурӯҳи муташаккили ҷиноятии фаромиллӣ буда, солҳои зиёд ба қочоқ ва муомилоти ғайриқонунии воситаҳои нашъадор ба миқдори махсусан калон машғул мебошад.
Тафтишот муайян намудааст, ки шаҳрванди ҶИА роҳбарии умумии гурӯҳи муташаккили ҷиноятиро бар уҳда дошта, тахминан охирҳои моҳи ноябри соли 2016 қочоқи 203 кг. 622 грамм воситаҳои нашъадорро аз ҶИА ба Ҷумҳурии Тоҷикистон шахсан назорат намудааст. Аъзои гурӯҳи муташаккили ҷиноятии фаромиллии мазкур бо дастур ва супоришҳои роҳбари гурӯҳи муташаккил миқдори махсусан калони воситаҳои нашъадорро бастабандӣ намуда, минбаъд тариқи қочоқ ба Ҷумҳурии Тоҷикистон ғайриқонунӣ интиқол додаанд.

 

02Баъд аз ин, як узви фаъоли гурӯҳ- шаҳрванди ҶИА Муҳаммад Сиддиқи Зирак аз Афғонистон ба Тоҷикистон омада, он воситаҳои нашъадорро дар Ҷумҳурии Тоҷикистон қабул намудааст. Барои дар ҷойи бехавф нигоҳ доштан ва минбаъд ба Ҷумҳурии Қирғизистон ва Федератсияи Россия бо тариқи қочоқ интиқол намудан, воситаҳои нашъадорро аз рӯи маслиҳати пешакӣ бояд ба роҳбари гурӯҳи тоҷикистонӣ шаҳрванди Ҷумҳурии Тоҷикистон Бобоев Нуралӣ Додарович медод.

Н. Бобоев бо мақсади ғайриқонунӣ соҳиб шудан, нигоҳ доштан ва минбаъд интиқол намудани 203 кг. 622 грамм воситаи нашъадори навъи ҳашиш ба хориҷи кишвар, ба Муҳаммад Зирак як мошин дода, пешниҳод намудааст, ки он воситаҳои нашъадорро дар ин мошин ҷой намуда, ба ӯ оварда диҳад. Муҳаммад Сиддиқи Зирак супориши шарики ҷиноятии худ Н. Бобоевро иҷро намудааст.
13 декабри соли 2016 ҳангоми додани воситаҳои нашъадор аъзои фаъоли гурӯҳи муташаккили ҷиноятии фаромиллӣ шаҳрванди ҶИА Муҳаммад Сиддиқи Зирак ва роҳбари тоҷикистонии он- шаҳрванди Ҷумҳурии Тоҷикистон Нуралӣ Бобоев бо 203 кг. 622 грамм воситаи нашъадори навъи ҳашиш дастгир карда шуда, нисбат ба онҳо парвандаи ҷиноятӣ оғоз карда шуд.

03Баъд аз тафтиши парвандаи ҷиноӣ аз ҷониби мақомоти судӣ шаҳрванди Ҷумҳурии Тоҷикистон Н. Бобоев ва шаҳрванди ҶИА Муҳаммад Сиддиқи Зирак бо моддаҳои дар боло зикргардидаи Кодекси ҷиноятии Ҷумҳурии Тоҷикистон гунаҳгор дониста шуда, Сиддиқи Муҳаммад Зирак ба 25 сол маҳрум намудан аз озодӣ ва Бобоев Нуралӣ Додарович ба 20 сол маҳрум намудан аз озодӣ маҳкум шуданд.
Инчунин бо ҳукми суд 2 адад мошини гаронбаҳо ва зиёда аз 6000 доллари амрикоӣ пули нақд, ҷамъ маблағи зиёда аз 385 000 сомонӣ мусодира карда шуд.
Дар робита ба ин қазия Агентии назорати маводи нашъаовари назди Президенти Ҷумҳурии Тоҷикистон ба Вазорати умури дохилии Ҷумҳурии Исломии Афғонистон мактуб равон намуд, то ин ки саркарда ва аъзои боқимондаи ин гурӯҳи муташаккили ҷиноятпеша, ки ҳоло дар Афғонистон фаъолият менамоянд, дастгир ва ба ҷавобгарии ҷиноӣ кашида шаванд.

Апрел 12, 2017 11:46

Хабарҳои дигари ин бахш

Дар ноҳияи Дарвоз Маркази нави хизматрасонии муштариён (1)_1Мусодираи 20 баста маводи нашъадори навъи ҳашиш дар ноҳияи Панҷ
нашъаНеруҳои амниятии кишвар кӯшиши қочоқбаронро дар марзи Тоҷикистону Афғонистон барбод доданд
055Чӣ тавр компютер ва дигар таҷҳизоти иттилоотию кооммуникатсиониро дар Тоҷикистон аз ҳамлаҳои хакерӣ эмин бояд нигоҳ дошт?
Боздошти шахрванди киргизистонБоздошти шаҳрванди Ҷумҳурии Қирғизистон бо гумони ба муомилот баровардани 44 кг симоби металлӣ
DSC_5780ИМА ба Қӯшунҳои сарҳадии Тоҷикистон 15 мошин ва дигар таҷҳизоти техникӣ кумак намуд
Саидшариф Суд-3Собиқ сардори Раёсати сохтмони асосии шаҳри Душанбе барои азхудкунии маблағҳои калони буҷетӣ зимни сохтмони Беморхонаи «Истиқлол» аз озодӣ маҳрум гардид
вохурии намояндагони ВКДНамояндагони Вазорати корҳои дохилии Тоҷикистон ва Вазорати бехатарии ҷамъиятии Хитой масоили амнияти минтақавиро баррасӣ карданд
WEF-3ФОРУМИ УМУМИҶАҲОНИИ ИҚТИСОДӢ ТОҶИКИСТОНРО КИШВАРИ БЕХАВФТАРИНИ ОСИЁИ МАРКАЗӢ НОМИД!
Сархад 4Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
СархадДар Қӯшунҳои сарҳадӣ ҷаласаи ҳисоботӣ баргузор гардид
совбез5Котибони Шӯрои амнияти давлатҳои СҲШ масъалаҳои мубрами байналмилалӣ ва минтақавиро баррасӣ намуданд
Машқҳои муштараки баталионӣ-тактикии зидди террористӣ дар машқгоҳи «Чоруқ-Дарон»-и гарнизони СуғдМашқҳои муштараки баталйонӣ-тактикии зиддитеррористӣ дар «Чоруқ-Дарон»-и гарнизони Суғд