«Истиқлол» дастаи «Дордой»-и Қирғизистонро бо ҳисоби калони 4:1 шикаст дод

Май 18, 2017 10:40

Хабарҳои мавзӯъ

dordoi-istiklol

     ДУШАНБЕ, 18.05.2017. /АМИТ«Ховар»/  Шоми 17 май  бозии даври панҷуми марҳилаи гурӯҳии Ҷоми  Конфедератсияи футболи Осиё-2017 дар гурӯҳи «D» миёни дастаҳои «Дордой»-и Бишкек, ҷоизадори чемпионати Қирғизистон ва «Истиқлол»-и Душанбе, қаҳрамони Тоҷикистон дар варзишгоҳи ба номи Долен Омурзоқови пойтахти Қирғизистон  баргузор   гардид. Дар  вохӯрӣ дастаи  «Истиқлол» бо ҳисоби калон — 4:1  дастаи «Дордой»-ро  шикаст дод.

Се голи дастаи футболи  «Истиқлол»-ро  Манучеҳр Ҷалилов дар дақиқаҳои 8, 46 ва 75-ум ба ҳадаф расонд. Як голи дигарро бозингари мизбонон Егор Потапов (90+3) ба дарвозаи дастааш зад. Голи ягонаи мизбононро  Сулаймон Зарифов дар дақиқаи 50-ум ба дарвозаи меҳмонон ворид кард

Дар бозии дигари даври панҷум дар гурӯҳи «D» 17 май дастаи футболи  «Олтин Асир»-и Ашқобод, қаҳрамони Туркманистон дар майдони худ бо дастаи  «Олой»-и Ӯш, қаҳрамони Қирғизистон бо ҳисоби 4:1 пирӯз шуд. Чаҳор голи мизбононро Мурод Яхшиев дар дақиқаҳои 33, 42, 82 ва 84-ум ба ҳадаф  расонд. Як голи меҳмононро Миролимҷон Аҳмадов дар дақиқаи 53-юм ба нишон расонд.

Баъди натиҷагирии чор даври мусобиқа дар ҷадвали гурӯҳи «D» дастаи «Истиқлол»-и Душанбе бо 13 имтиёз  дар ҷойи аввал қарор дорад. Дастаи «Олтин Асир»-и Ашқобод низ 13 имтиёз ба даст овардааст, вале бо назардошти таносуби тӯбҳо дар мақоми дуюм ҷой гирифтааст. Дастаи  «Дордой»-и Бишкек бо се имтиёз дар мақоми сеюм аст. Дастаи  «Олой»-и Ӯш бидуни имтиёз дар зинаи охирин — чаҳорум  ҷойгир шудааст.

Бояд тазаккур дод, ки  бар асоси дастури мусобиқа танҳо ғолиби гурӯҳ ба даври баъдии Ҷоми AFC роҳ меёбад. Барои роҳхати ягона дастаҳои «Истиқлол» ва «Олтин Асир» талош доранд. Тақдири роҳхат дар даври охирин дар бозии ин ду даста, ки 31 май дар Варзишгоҳи марказии  шаҳри Душанбе барпо мегардад, ҳал хоҳад шуд.

 

 

 

 

Май 18, 2017 10:40

Хабарҳои дигари ин бахш

наврасонФутболбозони навраси тоҷик дар мусобиқаи байналмилалии Сочи иштирок мекунанд
1495606628_bez-imeni-17 нафар дзюдочӣ аз Тоҷикистон дар Чемпионати Осиё ширкат мекунанд
ДАСТАИ ВАХДАТЛигаи аввали футболи Тоҷикистон: «Ваҳдат» бар дастаи «Локомотив-Помир» ғалаба кард
Бозихои хамбастагии исломиzurhonaВарзишгарони тоҷик дар Бозиҳои ҳамбастагии исломӣ 4 медал ба даст оварданд
DSC_0814Ғолибони Дави миллӣ муайян шуданд
Дав--2006 (1)Дар Тоҷикистон пагоҳ Рӯзи Дави миллӣ баргузор мегардад
0012Дар маҷмааи «Динамо» мусобиқаи байналмилалӣ оид ба гӯштини тарзи юнонию румӣ оғоз шуд
Истиклол ба пешҶоми AFC-2017: имрӯз бозии байни дастаҳои «Истиқлол» ва «Дордой» доир мешавад
МусобикаСуҳроб Боқиев дар Ҷоми Аврупо оид ба дзюдо соҳиби медали нуқра гардид
Джахонгир МаджидовВарзишгарони ҷавони тоҷик дар Ӯзбекистон соҳиби нуҳ медал гардиданд
9Ҷоми Кумитаи иҷроияи ҲХДТ дар ноҳияи Синоро кӣ ба даст овард?
Якумин мусобиқаи байналмилалӣ барои дарёфти «Ҷоми Федератсияи тенниси Тоҷикистон»Аввалин мусобиқаи байналмилалӣ барои дарёфти «Ҷоми Федератсияи тенниси Тоҷикистон» дар Душанбе