«Ташаббуси сохти Тоҷикистон – сайёҳӣ»-таҳти ин унвон ҳамоиши виртуалӣ доир гардид

Апрель 14, 2020 10:00

ДУШАНБЕ, 14.04.2020. /АМИТ «Ховар»/. Бахшида ба Солҳои рушди деҳот, сайёҳӣ ва ҳунарҳои мардумӣ бо иқдоми Кумитаи рушди сайёҳии назди Ҳукумати ҷумҳурӣ  таҳти унвони «Ташаббуси сохти Тоҷикистон – сайёҳӣ» /Made in Tajikistan Initiative – Tourism/ бо истифода аз шабакаи интернет ҳамоиши виртуалӣ баргузор гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон иттилоъ доданд.

Дар он намояндагони Кумитаи рушди сайёҳӣ, бахши хусусӣ, роҳбарони ширкатҳои сайёҳии ҷумҳурӣ, коршиносони соҳа, мушовирону аъзои Палатаи савдои Тоҷикистон ва Британияи Кабир ва Маркази фарҳангии Тоҷикистон дар Лондон ширкат намуданд. Иштирокдорони  ҳамоиши виртуалӣ масъалаҳои марбут ба тавсеаи ҳамкорӣ ва муайян намудани самтҳои фаъолияти Палатаи савдо ва Маркази фарҳангии Тоҷикистон дар Лондон ҷиҳати рушди соҳаҳои афзалиятнок, бахусус сайёҳиро баррасӣ намуданд.

Ҳамоиш бо мақсади татбиқи платформаи нав- «Ташаббуси сохти Тоҷикистон-сайёҳӣ» /Made in Tajikistan Initiative -Tourism/, ки аз ҷониби Сафорат, Палатаи савдо ва Маркази фарҳангии Тоҷикистон дар Британияи Кабир роҳандозӣ шудааст, доир  гардид. Дар оянда платформаи мазкур тасмим гирифтааст, ки дар дигар соҳаҳо бо интихоби  мавзӯъҳои муҳим  ва ҷолиб фаъолияти худро таҳким бахшад.

Апрель 14, 2020 10:00

Хабарҳои дигари ин бахш

Кумитаи рушди сайёҳӣ: аз хизматрасониҳои сайёҳӣ ва омаду рафти сайёҳон то муътадил гардидани вазъи хавфи бемории COVID-19 худдорӣ мешавад
САРИ ХОСОР: аҳамияти ҷиддӣ ба рушди сайёҳӣ ва беҳтар намудани инфрасохтор
Шаҳринав: мавзеъҳои нотакрори «Тахти Сулаймон» ва «Обиборик» таваҷҷуҳи сайёҳонро ба худ ҷалб намудаанд
Дар Душанбе чораҳои пешгирикунанда вобаста ба хуруҷи COVID-19 ва таъсири он ба соҳаи сайёҳӣ баррасӣ гардиданд
Тоҷикистон вобаста ба талаботи бозори сайёҳӣ мутахассисони ҳирфаӣ омода менамояд
Ванҷ — макони сайёҳии кӯҳнавардӣ ва экологӣ
Дар Душанбе ҳолати рушди соҳибкории сайёҳӣ дар замони буҳрони COVID-19-ро баррасӣ намуданд
Сайёҳон баъди карантин саёҳати худро дар Тоҷикистон идома доданд
Дар Тоҷикистон ба ифтихори ҷашни 5500-солагии Саразми бостонӣ 12 хатсайри нави сайёҳӣ ташкил гардид
«PATWA 2020»: Тоҷикистон кишвари устувор ва осебнопазир барои саёҳат эълон шуд
Ҷашни Наврӯз воситаи хубест барои муаррифии Тоҷикистон ва захираҳои бузурги сайёҳии он
Муроҷиатномаи Кумитаи рушди сайёҳии назди Ҳукумати Ҷумҳури Тоҷикистон ба дӯстдорони саёҳат ва сафар

Маводҳои таҳлилӣ