ҚУРБИ ДОЛЛАР ПАСТ МЕШАВАД

Вашингтон, 25 сентябр. (АМИТ «Ховар» -Радиостанияи  Маяк).- Аз рӯи натиҷаҳои савдои музоядаи дирӯз дар  Амрико баргузоргардида  қурби доллар нисбати  евро  2,34 фоиз паст фуромад. Дирӯз ба ивази 1 евро 1 доллару  4823 сент  дода шуд. Ин дар давоми 7 соли охир арзиши пасттарини  доллари  амрикоӣ мебошад.            Бояд гуфт,ки  сармоягузорон  вобаста ба вазъи  ногувори иқтисодиёти ИМА  ва  нақшаи ҳукумати ин мамлакат дар бобати бартараф сохтани бӯҳрони фаъолияти бонкҳо изҳори ташвиш менамоянд. Тавре хабар дода шуд, дар ИМА дар давоми ду соли оянда барои  расонидани кӯмак ба бонкҳо аз  буҷети давлат қариб 700 миллиард доллар ҷудо карда мешавад. Ба ақидаи коршиносон, ин  сабаби  афзоиши  таворуми пул дар ИМА гардида метавонад.            Қайд карда мешавад, ки дар натиҷаи паст гардидани қурби доллар нархи нафти хом дар давоми ду шабонарӯзи охир  хеле баланд шуд.            Аз рӯи натиҷаҳои савдои музоядаи  22 сентябр баргузоргардида  нархи як баррел нафти хом дар биржаи  Лондон  ба 106,04 доллар ва дар биржаи  Ню -Йорк ба 120 ,92 доллар  баробар шуд. Ин нисбат ба савдои музоядаи  як ҳафта пеш баргузоргардида мувофиқан  6,43 фоиз ва  16,37 фоиз зиёд мебошад.