ҶАМЪОВАРИИ САБЗАВОТ ДАР ХОҶАГИҲОИ ҶУМҲУРӢ

Душанбе, 24 сентябр. (АМИТ «Ховар», Лаззат Диловарзод).- Дар корхонаҳои кишоварзӣ ва хоҷагиҳои деҳқонӣ (фермерӣ) – и ҷумҳурӣ аз майдони 13 ҳазору 214 гектар кишти сабзавот то имрӯз 8555 гектари он ҷамъоварӣ шудааст, ки нисбат ба соли гузашта 752 гектар зиёд аст. Нақшаи солонаи истеҳсоли сабзавот дар ҷумҳурӣ 328 ҳазору 620 тоннаро ташкил медиҳад. То 15 сентябр 140 ҳазору 462 тонна сабзавот истеҳсол карда шудааст, ки он баробари 43 фоизи иҷрои нақшаи солонаи ҷумҳурӣ мебошад. Ҳосилнокии сабзавот дар хоҷагиҳои ҷамъиятӣ ва деҳқонӣ (фермерӣ) дар соли ҷорӣ ба 179 сентнерӣ расонида шудааст, ки нисбат ба ҳамин давраи соли гузашта 11 сентнерӣ аз ҳар гектар зиёд аст, иброз доштанд дар маркази матбуот ва иттилооти Вазорати кишоварзӣ ба мухбири АМИТ «Ховар».