«ФУЗӢ» РАШТРО МАШҲУР МЕСОЗАД

Душанбе, 25 сентябр. (АМИТ «Ховар», Лаззат Диловарзод).- Бино ба гуфти раиси ноҳияи Рашт – узви Маҷлиси миллии Маҷлиси Олии Ҷумҳурии Тоҷикистон Маҳмадшариф Толибов мардуми ин водӣ, бахусус сокинони ноҳияи Раштро боз як намуди себи навъи «Фузӣ» машҳури олам хоҳад кард. Ҳама мардуми Тоҷикистон хуб медонанд, ки ватани себи «Хубонӣ» ин раштонзамин аст. Соли ҷорӣ бо дастгирии Вазорати кишоварзии Ҷумҳурии Тоҷикистон 256 бех ниҳоли хитоии навъи «Фузи» харидорӣ ва барои парвариш ба хоҷагии деҳқонии «Наимӣ» дода шуд. Нашъунамои ниҳолҳо хуб аст. Хоҷагии «Наимӣ» аз ин ниҳолҳо «Модарбоғ» бунёд карда, дар оянда Раштро бо себи навъи «Фузӣ» машҳури олам карданист.