ХАТЛОН БОЗ ПЕШ РАФТ

Душанбе, 25 сентябр. (АМИТ «Ховар», Лаззат Диловарзод).-Тибқи маълумоти фаврии аз Раёсати растанипарварии Вазорати кишоварзӣ ба даст омада, пахтакорони вилояти Хатлон ҳафтаи равон нақшаи ҷамъоварии пахтаро аз 45 фоиз зиёд хоҳанд кард. То 22 сентябр дар ин вилоят 138 ҳазору 999 тонна пахта ҷамъоварӣ карда шудааст, ки ин баробари 41,9 фоизи нақшаи солонаи пахтатайёркунӣ мебошад. Ҳар рӯз дар ҷамъоварии пахта бештар аз 142 ҳазор нафар чинакчиёну ёрдамчиён ба кор баромада, ба миқдори 5 ҳазор – 5 ҳазору 400 тонна пахта ҷамъоварӣ менамоянд, ки ин барои ҷамъоварии саривақтии пахта дар соли ҷорӣ мусоидат хоҳад кард.