«РЕГАР – ТАДАЗ « – ДАР САФИ ПЕШ

Душанбе, 30 сентябр. (АМИТ «Ховар», Пайрав Назаров).- Барандаи дукаратаи Ҷоми раиси Конфедератсияи футболи Осиё — дастаи «Регар — Тадаз» дар сафи пеши дастаҳои футболи лигаи олии ҷумҳурӣ қарор дорад. Дастаи мазкур дар натиҷаи 20 қувваозмоӣ 50 хол ба даст овардааст. Дар ҷадвали мусобиқа ҷои дуюмро дастаи «Хуҷанд» ва ҷои сеюмро дастаи «Вахш» — и Қӯрғонтеппа ишғол менамоянд. Аз Федератсияи футболи ҷумҳурӣ ба АМИТ «Ховар» хабар доданд, ки чанд рӯз пеш дар қувваозмоии навбатӣ дастаи футболи «Динамо» бар дастаи «Гвардия» ба ҳисоби 1:0 ғолиб омад. Дастаи ЦСКА «Помир» дар майдони худ зимни қувваозмоӣ бо дастаи «Тоҷиктелеком» и Қӯрғонтеппа бо ҳисоби 1:2 мағлуб шуд. Дар байни футболбозони алоҳида узви дастаи «Энергетик» Сӯҳроб Ҳамидов ҷои аввалро ишғол менамояд, ки ба дарвозаи ҳарифон 16 тӯб задааст.