ТАҶЛИЛИ 40 – СОЛАГИИ ТАЪСИСИ ҲАФТАНОМА

Душанбе, 24 сентябр. (АМИТ «Ховар», Людмила Дубинина). – 6 октябр 40 – солагии таъсиси ҳафтаномаи «Вечерний Душанбе» ҷашн гирифта мешавад. Раиси Иттифоқи журналистони Тоҷикистон Акбаралӣ Сатторов ба мухбири АМИТ «Ховар» хабар дод, ки ба ин муносибат дар қасри «Пойтахт» ҷамъомади ботантана баргузор мегардад. Сармуҳаррири ҳафтанома Гулнора Амиршоева зикр намуд, ки ба ин ҷамъомад намояндагони корхонаю муассисаҳои гуногун, хонандагони фаъоли ҳафтанома, дӯстон ва ҳамкасбон даъват карда мешаванд. Ба шарафи чилсолагии ҳафтанома озмуни ба ин муносибат эълонкардашуда ҷамъбаст карда мешавад. Ба ғолибон аз номи ҳафтанома ва мақомоти иҷроияи ҳокимияти давлатии пойтахт тӯҳфаҳои хотиравӣ ва мукофотҳои пулӣ дода хоҳад шуд.