БА РЎЗНОМАНИГОРОН ИНЪИКОСИ МАВЗЎИ ВИЧ/СПИД-РО МЕОМЎЗОНАНД
Душанбе, 9 декабр. (АМИТ «Ховар», Дилшодаи Ҷонмард).- Аз 11 то 13-уми декабри соли ҷорӣ дар шаҳри Душанбе тренинги серўза барои рўзноманигорон таҳти унвони «Инъикоси мавзўи ВИЧ/СПИД дар ВАО-и Тоҷикистон» баргузор мешавад. Чорабинии мазкур аз ҷониби Мактаби мустақили рўзноманигории «Тоҷикистон – асри XXI», бо дастгирии молиявии Дафтари минтақавии ЮНЕСКО дар Алмаато ва кўмаки фаннии Барномаи муштараки СММ оид ба ВИЧ/СПИД гузаронида мешавад. Бино ба иттилои сарвари Мактаби рўзноманигорӣ Сафо Сафаров, ҳадафи ин тренинг омўзонидани тарзи дурусти инъикоси мавзўи ВИЧ/СПИД дар ВАО ва баланд бардоштани сатҳи донишу огоҳии рўзноманигорон оид ба ангезандаи норасоии масунияти одам мебошад. Дар ин давраи омўзишӣ 20 нафар кормандони расонаҳои чопӣ ва электронии шаҳри Душанбе, ноҳияҳои тобеи марказ ва вилояти Хатлон ширкат меварзанд. Зимнан ба рўзноманигорон 4 тренер аз Тоҷикистон ва Қазоқистон тарзи воқеъбинона ва дурусти инъикоси мавзўи ВИЧ/СПИД дар ВАО-ро омўзиш медиҳанд. Ҳамзамон коршиносони даъватшуда ба иштирокчиёни тренинг дар бораи ҷанбаҳои гуногуни ВИЧ/СПИД, чигунагии роҳҳои сироят ва пешгирии он, меъёрҳои ҳуқуқӣ ва ахлоқии таҳияи маводи журналистӣ дар мавзўи ВИЧ/СПИД маълумот медиҳанд.Иштирокчиёни давраи омўзишӣ тайи се рўз ҳамчунин аз Маркази ҷумҳуриявии пешгирӣ ва мубориза бар зидди СПИД боздид намуда, бо фаъолияти созмонҳои ҷамъиятӣ ва байналмилалие, ки ба гирифторони ангезандаи норасоии масунияти одам кўмак мерасонанд, шинос хоҳанд шуд. Қобили зикр аст, ки гурўҳи тренерони ин давраи омўзишӣ дар соли равон боз 2 тренинги ҳаммавзўъро дар шаҳрҳои Душанбе ва Қайроққум барои 40 рўзноманигор баргузор карданд. Чорабиниҳои мазкур бо ташаббуси Барномаи муштараки СММ оид ба ВИЧ/СПИД дар ҳамдастӣ бо ЮНЕСКО гузаронида шуд. Тибқи маълумоти Маркази ҷумҳуриявии пешгирӣ ва мубориза бар зидди СПИД, то 1-уми октябри соли 2008 дар Тоҷикистон 1333 нафар гирифторони ангезандаи норасоии масунияти одам ба қайд гирифта шудаанд (1079 мард ва 254 зан).
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
