МАРОСИМИ ҚУРЪАПАРТОӢ БАРГУЗОР НАГАРДИД

          Душанбе, 2  декабр. АМИТ «Ховар»,  Пайрав Назаров). – Мухбири  АМИТ «Ховар»  хабар  медиҳад, ки  маросими  қуръапартоии  мусобиқаи  байналхалқии  дастаҳои  футбол  барои   ба  даст  овардани  Ҷоми  қаҳрамонони  мамлакатҳои  ИДМ  ва  Наздибалтика  дар  мӯҳлати  муқарраршуда  баргузор  нагардид. Маросими  мазкур  ба  вақти  дигар  гузаронида шуд. Аз Федератсияи  футболи  Тоҷикистон  хабар  доданд, ки  маросими  қуръапартоӣ  мебоист 8  декабр  гузаронида  мешуд. Тавре  хабар  дода шуда  буд,  имсол  аз Тоҷикистон  дар ин  мусобиқа   дастаи  «Регар – Тадаз»  иштирок  хоҳад кард.