«UNISTREAM» БО «ФОНОНБОНК»-И ТОҶИКИСТОН ҲАМКОРӢ МЕКУНАД

        Душанбе, 23 декабр. (АМИТ «Ховар», Бекназари Абӯбакр). — Низоми байналмилалии интиқоли маблағҳои пулии «UNIStream» бо ҶСК «Фононбонк»-и Тоҷикистон созишномаи ҳамкорӣ имзо кард.  Дар созишнома рушди шабакаҳои нуқтаҳои хизматрасонӣ тавассути шӯъбаҳои бонк, ки дафтари асосиаш дар шаҳри Душанбе воқеъ аст, пешбинӣ шудааст. Бояд зикр намуд, ки дар Тоҷикистон қариб 500 нуқтаи низоми «UNIStream» амал мекунад. Қобили қайд аст, ки низоми «UNIStream» дар Тоҷикистон бо 11 ниҳоди молиявӣ, аз қабили «Тоҷпромбонк», «Агроинвестбонк», «Бонки Эсхата» ва ғайра ҳамкорӣ дорад.