ЛАТВИЯ БО ТОҶИКИСТОН ҲАМКОРӢ МЕКУНАД

                 Душанбе, 28 январ. (АМИТ «Ховар», Покиза Маҳмадбекова). — Раиси Палатаи савдо ва саноати ҷумҳурӣ Шариф Саид дирӯз бо сафири кабири Латвия дар Тоҷикистон Игорс Апокинс мулоқот кард. Зимни мулоқот масъалаҳои рушди минбаъдаи муносибатҳои тиҷоратию иқтисодии ҳар ду кишвар муҳокима шуданд. Ш.Саид ба сафир дар бораи самтҳои муҳимтарину афзалиятноки иқтисодиёти Тоҷикистон, аз ҷумла, истихроҷи қувваи барқ, маъдан, коркарди маҳсулоти саноат ва ғайра маълумоти муфассал дод.                 Раиси Палатаи савдо ва саноати Тоҷикистон пешниҳод кард, ки дар Душанбе намоишгоҳи молҳои сохти Латвия ташкил ва мулоқоти тоҷирону соҳибкорони хар ду кишвар гузаронида шавад. Сафири Латвия изҳор намуд, ки мамлакаташ ба ҳамкорӣ бо Тоҷикистон дар соҳаҳои гуногун манфиатдор мебошад.                                                                                                                                    Тарҷумон — Қудратов А.