НОМУТАНОСИБӢ ДАР МУЗДИ МЕҲНАТ БОҚӢ МЕМОНАД

                 Душанбе, 27 январ. (АМИТ «Ховар», Лаззат Диловарзод).- Бино ба суханони вазири меҳнат ва ҳифзи иҷтимоии аҳолӣ Шукурҷон Зуҳуров, яке аз масалаҳои ҳалталаби соҳаи музди меҳнат номутаносибӣ ва тафриқаҳои байнисоҳавӣ, дохилисоҳавӣ ва байниминтақавии он мебошад.                Дар соли 2008 сатҳи баландтарини музди меҳнати номиналӣ дар шаҳри Душанбе боқӣ монд, ки он ба 470, 41сомонӣ баробар буд.               Ин нишондиҳанда нисбат ба андозаи миёнаи музди меҳнати ҷумҳуриявӣ 2 маротиба баландтар аст.Дар соҳаи истеҳсолоти моддӣ музди миёнаи меҳнати аз ҳама баланд дар соҳаи алоқа (559 сомонӣ), нақлиёт (500 сомонӣ), сохтмон (551 сомонӣ) ва сатҳи пасттарини он дар соҳаи хоҷагии ҷангал (72 сомонӣ)ва кишоварзӣ (70 сомонӣ) ба қайд гирифта шуд, ки тафриқаи онҳо тақрибан 8 маротибаро ташкил медиҳад.