ТОҶИКИСТОН ДАР ҶАШНВОРАИ ФАРҲАНГИИ ХАЛҚҲОИ ЕВРАЗИЯ ШИРКАТ МЕВАР

                   Душанбе, 27 январ. (АМИТ «Ховар», Таҳмина Ғоибназарова). — Аз 13 то 17 майи соли равон дар пойтахти Ҷумҳурии Белорусия — шаҳри Минск ҷашнвораи фарҳанги халқҳои Евразия баргузор мегардад. Аз Тоҷикистон дар ин ҷашнвора Ансамбли давлатии рақсии «Лола» ширкат хоҳад варзид.                  Мухбири АМИТ «Ховар» хабар медиҳад, ки чунин ҷашнвора бори аввал гузаронида мешавад ва ҳадафи он нигоҳ доштану ғанӣ гардонидани фазои фарҳангии мамлакатҳои минтақа мебошад.                 Мувофиқи шартҳои ҷашнвора, ҳайатҳои ҳар мамлакат набояд аз 53 нафар зиёд бошад. Ба онҳо ҳунарпешагон, рассомон, раққосон, нависандагону шоирон ва косибон шомил карда мешаванд.