ДАСТОВАРДҲОИ ОЛИМПИЧИЁНИ ТОҶИК ДАР ПЕКИН

                 Душанбе, 13 феврал. (АМИТ «Ховар», Пайрав Назаров). — Китоби нав бо номи «ПЕКИН-2008: НАТИҶАҲОИ ИШТИРОКИ ОЛИМПИЧИЁНИ ТОҶИКИСТОН» аз чоп баромад. Ин китобро журналисти шинохта, президенти Ассотсиятсияи журналистони риштаи варзиши Тоҷикистон Нарзулло Латипов омода ва мураттаб намудааст. Президенти АЖРВ Назрулло Латипов дар мусоҳиба бо мухбири АМИТ «Ховар» иброз намуд, ки ин китоб бо супориши Кумитаи миллии Олимпии Тоҷикистон омода шудааст.               Дар саҳифаҳои ин китоб оид ба дастовардҳои варзишгарони тоҷик дар Бозиҳои тобистонаи олимпии Пекин сухан меравад. Дар он хабар, мақола, очерк ва дигар маълумотҳо оид ба натиҷаҳои варзишгарони кишвар ҷамъ оварда шудааст.