КОРМАНДОНИ ВАЗОРАТИ МОЛИЯРО МЕОМӮЗОНАНД

             Душанбе, 13 марта. (АМИТ «Ховар», Покиза Маҳмадбекова). — Дар Вазорати молияи ҷумҳурӣ бо мақсади такмил додани сатҳи дониши касбии кормандони вазорат ва мақомоти маҳаллии молия дарсҳои омӯзиши иқтисодӣ ба роҳ монда шудааст.              Тавре ба мухбири АМИТ «Ховар» аз вазорати мазкур иттилоъ доданд, баргузории ин гуна омӯзишҳо, ки дар давоми сол гузаронида мешаванд, ба баланд бардоштани малакаи кории кормандони соҳаи назорати давлатии молиявӣ, андоз, андозбандӣ, хазинадорӣ ва танзими қарзҳои беруна мусоидат хоҳанд кард.              Бояд қайд намуд, ки дар ин бора фармони махсуси вазири молияи ҷумҳурӣ Сафаралӣ Наҷмуддинов низ ба тавсиб расидааст.