ОЗМУНИ «МОЛҲОИ БЕҲТАРИНИ СОХТИ ТОҶИКИСТОН»
Душанбе, 12 март (АМИТ «Ховар», Кристина Эрлих). — Дар маҷлиси муштараки сеюми роҳбарону намояндагони иттиҳодияи «Тоҷикматлубот», агентии «Тоҷикстандарт», роҳбарони ҷамъиятҳои матлуботи шаҳру ноҳияҳо, директорони марказҳои тадқиқотии минтақавӣ ва бозорҳои вилояти Суғд масъалаҳои танзими фаъолияти бозорҳо, беҳтар намудани хизматрасонӣ дар бозорҳо ва қонеъ гардондани талаботи харидорон мавриди баррасӣ қарор гирифтанд. Маҷлиси мазкур дар шаҳри Хуҷанд баргузор гардид. Директори Агентии «Тоҷикстандарт Давлаталӣ Ҳотамов дар бораи фаъолияти агентӣ ва беҳтар сохтани фаъолияти бозорҳо, инчунин масъалаҳои бартараф сохтани камбудиҳои мавҷуда дар фаъолияти бозорҳо, пешгирии ба фурӯш баровардани маҳсулоти пастсифат ва ҳифзи ҳуқуқи харидорон сухан ронд. Дар маҷлис ба роҳбарони ҳамаи бозорҳои вилояти Суғд китобчаҳои «Стандартҳои Ҷумҳурии Тоҷикистон дар бораи хизматрасонии бозорҳо» тақсим карда шуд. Иштирокчиёни маҷлис бо талаботи умумии стандартҳо шинос карда шуданд. Ба онҳо дастур дода шуд, ки стандардҳои муқарраршударо ҳатман риоя намоянд. Баъдан роҷеъ ба масъалаҳои марбут ба муомилоти ғайриқонунии молҳо, маҳсулоти пастсифат, истеҳсоли ғайриқонунии баъзе намуди молҳо, кушодани озмоишгоҳҳои махсус барои санҷиши озуқа, додани сертификати маҳсулот ва беҳтар сохтани сифати хизматрасонӣ табодули назар карда шуд. Дар фарҷоми маҷлис хабар дода шуд, ки бо мақсади беҳтар сохтани сифати молҳои истеҳсоли ватанӣ ва дастгирии истеҳсолкунандагони мол дар мамлакат бори аввал озмуни «Молҳои беҳтарини сохти Тоҷикистон» гузаронида мешавад.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
