ПРЕЗИДЕНТИ АФҒОНИСТОН БА ТУРКМАНИСТОН ИЗҲОРИ СИПОС НАМУД
Кобул, 12 март (АМИТ «Ховар» — ТРЕНД ). — Президенти Афғонистон Ҳамид Карзай 11 март зимни мулоқоташ бо Президенти Туркманистон Қурбонгулӣ Бердимуҳаммадов ба Туркманистон барои кӯмаку дастгириҳои доманадор ва ҳамешагиаш ба халқи афғон дар бобати таъмини ҳаёти осоиштаи мардум изҳори сипос намуд. Вай зикр кард, ки мардуми афғон аз бародарони туркмани худ сипосгузор буда, ба саҳми Туркманистони ҳамсоя дар бобати таъмини ҳаёти осоишта баҳои баланд медиҳанд. Президентҳои ҳар ду мамлакат зимни мулоқоти сарони давлатҳои аъзои Созмони ҳамкории иқтисодӣ дар Теҳрон мулоқот карданд. Мухбири АМИТ «Ховар» хабар медиҳад, ки Туркманистон баъзе вилоятҳои шимолии Афғонистонро бо қувваи барқ таъмин намуда, инчунин, ба Афғонистон барои сохтани хатҳои нави интиқоли қувваи барқ, роҳи оҳан ва корхонаю муассисаҳои иҷтимоӣ кӯмак мерасонад. Роҳбарияти Туркманистон ба сохтмони газопровод то Покистон ва Ҳиндустон умеди калон дорад, ки қисми зиёди он аз каламрави Афғонистон мегузарад. Зимни мулоқот қайд карда шуд, ки ба туфайли сохтмони газопровод ҳазорон нафар афғонҳо бо кор таъмин карда мешаванд. Қ.Бердимуҳаммадов изҳор намуд, ки мамлакаташ дар оянда ҳам ба Афғонистон барои барқарор сохтани иқтисодиёт кӯмак хоҳад расонд.
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
