БАРОИ МАРҲИЛАИ ДУЮМ ВА СЕЮМИ СОХТМОНИ РОҲ 545 МИЛЛИОН СОМОНӢ

                 Душанбе, 14 апрел. (АМИТ «Ховар», Лаззат Диловарзод).- Дар Вазорати нақлиёт ва коммуникатсия ба мухбири АМИТ «Ховар» иброз доштанд, ки барои марҳилаи дуюм ва сеюми сохтмони роҳи автомобилгарди Душанбе — Саритош беш аз 545 миллион сомонӣ равона гардидааст.                 То 1-уми апрели соли ҷорӣ 6 фоизи маблағи лоиҳа дар соҳаи коммуникатсия азхуд карда шудааст.                 Дар ҷаласаи васеи Ҳукумати ҷумҳурӣ Сарвари давлат аз он изҳори нигаронӣ намуд, ки маблағҳои барои иҷрои лоиҳаҳо пешбинишуда самаранок истифода намешаванд, ҳол он ки дар ҷаҳон аз нарасидани маблағ давлатҳо гирифтори бӯҳрони молиявӣ — иқтисодӣ мебошанд.