БАРРАСИИ МАСЪАЛАҲОИ ПЕШГИРИИ ҚОНУНШИКАНӢ

                  Душанбе, 14 апрел. (АМИТ «Ховар», Наргис Бояхмедова). — Имрӯз дар шаҳри Минск маҷлиси комиссияи муштараки кории давлатҳои иштирокчии Созишномаи ҳамкорӣ дар бобати пешгирии қонуншиканӣ дар соҳаи моликияти зеҳнӣ баргузор мегардад. Аъзои комиссия дар бораи тадбирҳои соли гузашта бо ин мақсад дар мамлакатҳояш андешидашуда табодули назар намуда, роҷеъ ба давраҳои мувофиқа намудани лоиҳаи созишномаи ҳамкорӣ дар бораи мубодилаи маълумот ва ташкили марказҳои миллии марбут ба ҳуқуқи муаллиф ва ҳуқуқҳои муштарак табодули назар менамояд. Дар маҷлис, инчунин, масъалаи ташкили Шӯрои байнидавлатии ҳифзи ҳуқуқ ва ҳимояи моликияти зеҳнӣ муҳокима карда мешавад.