ИДИ 1 МАЙРО ЧӢ ГУНА ҶАШН МЕГИРЕМ?

                    Душанбе, 30 апрел. (АМИТ «Ховар», Пайрав Назаров, Наталя Михайлова). — 1 май дар Тоҷикистон ҳамчун Рӯзи умумиҷаҳонии меҳнат ҷашн гирифта мешавад. Мувофиқи Конститутсияи Ҷумҳурии Тоҷикистон 1 май рӯзи истироҳат мебошад. Аз Федератсияи Иттифоқҳои касабаи мустақили Тоҷикистон ба АМИТ «Ховар» хабар доданд, ки имсол 1 май ба рӯзи ҷумъа рост омад, бинобар ин рӯзҳои 1,2,3 май рӯзҳои истироҳат мебошанд.                     Мамлакатҳои ҷаҳон айни ҳол 1 майро ба таври гуногун ҷашн мегиранд. Иди май дар аксарияти мамлакатҳои Аврупо ҳамчун иди баҳор ва иди гулҳо таҷлил карда мешавад. Масъалан дар Испания ҷавонони ба синни балоғат расида рӯзи 1 май ба маҳбубаҳояшон гулдастаҳо тақдим менамоянд.                    Дар Иттиҳоди Шӯравӣ 1 май иди расмии идеологӣ буд ва ҳамчун Рӯзи якдилии байналхалқии заҳматкашони тамоми ҷаҳон ҷашн гирифта мешуд. Баъди давраи бозсозӣ ва барҳам хӯрдани ИҶШС 1 май ба иди баҳору меҳнат табдил ёфт. Дар ҷумҳуриҳои ИДМ, аз ҷумла, Қазоқистон 1 май ҳамчун Рӯзи ваҳдати халқҳои қазоқ ҷашн гирифта мешавад. Дар Киев рӯзи 1 май коммунистон ба майдонҳо баромада, намоишҳо ташкил менамоянд.