ВОХӮРИ БО ДОНИШҶӮЁНИ РАШТӢ

               Душанбе, 15 апрель. (АМИТ «Ховар», Ибодат Давлатова). — Бо ташаббуси мақомоти маҳаллии ҳокимияти давлатии ноҳияи Рашт ва дастгирии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон 14 апрели соли ҷорӣ бо донишҷӯёне, ки аз ноҳияи Рашт тариқи квотаи Президентӣ дар мактабҳои олӣ таҳсил менамоянд, вохӯрӣ доир гардид.                Тавре аз маркази матбуоти Кумитаи ҷавонон, варзиш ва сайёҳии назди Ҳукумати ҶТ ба мухбири АМИТ «Ховар» иттилооъ доданд, дар назди донишҷӯён раиси Кумитаи мазкур Маликшо Неъматов ва масъулони мақомоти маҳаллии ҳокимияти давлатии ноҳияи Рашт баромад намуданд.                Донишҷӯён аз ҷониби мақомоти маҳаллии ҳокимияти давлатии ноҳияи Рашт ба маблағи муайян қадрдонӣ гаштанд.