МАРОСИМИ САВГАНДЁДКУНӢ ДАР ГВАРДИЯИ МИЛЛӢ

                         Душанбе, 25 май. (АМИТ «Ховар», Наталя Михайлова). — Дар маркази таълимии Гвардияи миллии Ҷумҳурии Тоҷикистон маросими савгандёдкунии ҷавононе баргузор гардид, ки соли 2009 ба гвардияи миллӣ шомил гардидаанд.                          Маросими савгандёдкунӣ бо суханронии муовини аввали фармондеҳи Гвардияи миллии Тоҷикистон, генерал — майор Музаффар Гулмадов оғоз ёфт. Дар он ҳазорон нафар одамон, аз ҷумла, падару модарон, хешу таборон ва дӯстони гвардиячиён ҳузур доштанд.                          Аскарони ба тозагӣ даъватшуда барои савганд ёд кардан дар қисмҳои алоҳида саф ороста, бо қадамҳои низомӣ қадам зада, ба маҳалли ҷамъомад омаданд. Сипас ҳар кадоми онҳо дар ҷои таъиншуда матни савганди вафодорӣ ба халқу ватанро қироат кард. Ёд кардани савганд ҷузъи ҳатмии оғози хизмат ба Ватан мебошад.                         Гвардиячиёни оянда савганд ёд карданд, ки ватани худро ҳимоя хоҳанд кард.                           Дар фарҷоми ҷамъомад, кормандони сохторҳои низомӣ, ветеранҳои ҷанг ва падару модарон ба гвардиячиёни оянда роҳи сафед ва комёбиҳо орзу намуданд.