ДАР ШАҲР ИСТГОҲҲОИ БАЛАНДОШЁНА МЕСОЗАНД

                Душанбе, 24 июн. (АМИТ «Ховар», Лаззат Диловарзод).- Дар машварати назорати кории мақомоти иҷроияи ҳокимияти давлатии шаҳри Душанбе масъалаҳои рӯзмарраи шаҳр мавриди муҳокима қарор дода шуданд.                 Шаҳрдорӣ диққати роҳбарони ноҳияхоро ба масъалаи ҷавобҳои саривақтӣ ба арзу шикоятҳои сокинони шаҳр ҷалб намуд. Раиси шаҳр баҳри ба ҷавобгарӣ кашидани қонунвайронкунандагони тартиботи ҷамъиятӣ ва ҷиҳати санитарии шаҳр ба Раёсати шаҳрии корхои дохилӣ супориши катъӣ дод.                 Раиси шаҳр Маҳмадсаид Убайдуллоев баҳри ҳаракати бехатари мошинҳои хизмати наҷотдиҳӣ таъкид намуд, ки дар сурати дар ҷойҳои муайяннашуда нигоҳ доштани нақлиёти шахсӣ чораҳои таъхирнопазир андешида шавад. Бо назардошти ин ба роҳбарони ноҳияҳои тобеи шаҳр супориш дода шуд, ки дар ҳудуди ноҳияҳои пойтахт якчанд истгоҳи мошинҳои сабукрав, аз ҷумла бисёрошёна сохта шавад.