КАМБУДИҲО БАРТАРАФ МЕШАВАНД

                     Душанбе, 30 июн. (АМИТ «Ховар», Лутфия Эшонқулова).- Имрўз, дар маҷлисгоҳи Вазорати фарҳанг бо ташаббуси муассисаи давлатии рўзномаи «Баҳори аҷам» мизи мудаввар дар мавзўи «Драматургияи имрўзаи тоҷик-мулоҳиза ва пешниҳодҳо» баргузор гардид.                     Дар маҳфил муаллифони намоишномаҳо, таҳлилгарон, директорони театрҳо, аз ҷумла театрҳои ноҳияи Данғара, шаҳрҳои Кўлобу Қӯрғонтеппа, театршиносон ва шўрои бадеии Вазорати фарҳанг, инчунин меҳмонон ва намояндагони воситаҳои ахбори оммаи кишвар иштирок намуданд.                    Олимони соҳаи санъат ва ҳунармандон Нур Табаров, Низом Нурҷонов, Тӯрахон Аҳмадхонов, Давлат Убайдуллоев ва Мирзоватан Миров оид ба беҳтар намудани сифати намоишномаҳо, таҳияи асарҳои нав ва ташкил намудани курсҳои махсус ва озмунҳо барои драманависони ҷавон пешниҳодҳо ба миён гузоштанд.                    Бояд гуфт, ки ҳадафи асосии мизи мудаввар бо пешниҳодоти масъулини соҳа бартараф намудани камбудиҳои мавсими гузашта ва ба бўҳрони иқтисодӣ мувоҷеҳ нашудани театри тоҷик буд.                    Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.