МАВСИМИ ТЕАТРӢ АНҶОМ ЁФТ

                       Душанбе, 26 июн. (АМИТ «Ховар», Лутфия Эшонқулова).- Имрӯз дар Театри ҷавонони ба номи М. Воҳидов мавсими театрӣ ба охир мерасад. Муовини директори театр Зиёбой Тошев ба АМИТ «Ховар», хабар дод, ки шоми имрӯз асари саҳнавии охирини мавсими имсола намоиш дода мешавад. Ба тамошобинон асари саҳнавии «Чашмони бародари қиёматӣ» ки аз рӯи асари нависанда Нур Табаров навишта шудааст намоиш дода мешавад.                     Ҳунарпешагон моҳи июл ба шаҳру ноҳияҳои ВМКБ ба сафари эҷодӣ мераванд. Онҳо ба тамошобинони бадахшонӣ асарҳои саҳнавии «Тавқи лаънат ва номзад»-ро нишон медиҳанд, ки ба қалами драмнависон Шодӣ Солеҳ ва Зулфияи Содиқ таалуқ доранд.                    Мавсими нави театрӣ моҳи сентябр бо намоиши асари нави саҳнавӣ оғоз меёбад.