МУВАФФАҚИЯТҲОИ «МАРКАЗИ ТАЪЛИМИ КАЛОНСОЛОНИ ТОҶИКИСТОН»

                      Душанбе, 30 июн. (АМИТ «Ховар», ЛаззатДиловарзод).- Аз таъсиси «Маркази таълими калонсолони Тоҷикистон» як солу се моҳ сипарӣ гардид. Маркази номбурда оиди омодагии фаъолияти худ нисбати инкишофи савияи касбии захираҳои меҳнатӣ, ба хусус касбомӯзии аҳолии бешуғл, ба қайд гирифтани муҳоҷирони меҳнатӣ, таҳияи стандартҳои касбӣ, ки ҳадафҳои асосии Марказ мебошанд, як зумра корҳоро ба итмом расонид.                    Дар асоси роҳхатҳои пешниҳоднамудаи раёсатҳои Агентии давлатии ҳифзи иҷтимоӣ, шуғли аҳолӣ ва муҳоҷират аз ҳисоби аҳолии бекор 122 нафар доир ба ихтисосҳои «Оператори МЭҲ», «Муҳосиб», «Қаннод», «Барқчӣ» ва «Кафшергари барқӣ» ба касбомӯзӣ фаро гирифта шуданд.                   Айни замон, қабулу омӯзиши шаҳрвандон доир ба ихтисосҳои «Сантехник», «Кафшергари газӣ», «Дӯзандаи либосҳои миллӣ», «Мураббӣ», «Корманди соҳаи иҷтимоӣ», ки талаботи бозор ба онҳо зиёд аст, давом дода мешавад.