ПЕШҚАДАМОН ДАР АСОСИ ОЗМУН МУАЙЯН ШУДАНД

                   Душанбе, 30 июн. (АМИТ «Ховар», ЛаззатДиловарзод).- Тибқи маълумоти шӯбаи маорифи ноҳияи Рӯдакӣ, бо мақсади муайян намудани муаллимону мураббиёни пешқадаму навовар дар ноҳия озмуни «Муаллими беҳтарини соли 2009» ва «Мураббии беҳтарини соли 2009» гузаронида шуд.                  Дар кӯдакистонҳои ноҳия бахшида ба 20 — солагии истиқлолияти Ҷумҳурии Тоҷикистон озмуни «Бозичаҳои дастсохт» ва баҳшида ба соли бузургдошти Имоми Аъзам ва 100- солагии                   М. Турсунзода дар 40 мактаби ноҳия конфросҳои илмии амалӣ баргузор гардиданд.                   Дар ин муддат ҷорӣ бо мақсади иҷрои қарори Ҳукумати ҶТ «Дар бораи тасдиқи барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои солҳои 2004-2014» 17 мактаби таҳсилоти умумӣ аз санҷиш гузаронида шуда, 4 мактаб ба муддати 2 сол, 7 мактаб ба муддати 5 сол барои пешбурди фаъолият соҳиби литсензия гардиданд.