СЕ ХИЗМАТЧИИ ҲАРБӢ БА ҲАЛОКАТ РАСИДАНД

                  Душанбе, 17 июн. (АМИТ «Ховар», Анварбек Сиддиқов). — Дар натиҷаи беэҳтиётӣ ва нодуруст истифода бурдани аслиҳаи оташфишон се нафар хизматчии ҳарбии Вазорати мудофиаи Ҷумҳурии Тоҷикистон ба ҳалокат расиданд.                  Тавре аз маркази матбуоти Вазорати мудофиаи ҷумҳурӣ ба АМИТ «Ховар» хабар доданд, яке аз ҳалокшудагон хизматчии ҳарбии Қӯшунҳои хушкигарди Вазорати мудофиа лейтенант Абрибод Алишоев рӯзи 9 июн ва ду нафар сарбозони қатории гурӯҳи зудамали вазорати мазкур Зоҳир Мизоаҳмадов ва Ҷамолиддин Сайдамиров 14 июн ҳалок гардиданд.                   Прокуратураи ҳарбии Ҷумҳурии Тоҷикистон оиди ин қазия парвандаи ҷиноӣ оғоз намуда тафтишот бурда истодааст.