«ВАҲДАТИ ДИЛҲО» ДАР ДУШАНБЕ

                        Душанбе, 26 июн. (АМИТ «Ховар», Марзия Саидова).- Чорабиниҳои асосии мақомоти иҷроияи ҳокимияти давлатии шаҳри Душанбе бахшида ба 12-умин солгарди Рӯзи ваҳдати миллӣ дар Боғҳои фарҳангу фароғатии Айнӣ, «Дӯстии халқҳо», «Кӯли ҷавонон» ва майдони «800-солагии Москав» гузаронида мешавад.                          Назар ба иттилои котиби матбуотии Раиси шаҳри Душанбе Шавкат Саидов мақомоти иҷроияи ҳокимияти давлатии шаҳри Душанбе бо мақсади дар сатҳи баланд ва хотирмон таҷлил намудани ин санаи сарнавиштсозу таърихӣ маҷмӯи чорабиниҳои идонаи консертиро бо иштироки ҳунармандони шинохта, намоиш ва фурӯши маҳсулоти кулчагию каннодӣ, кишоварзӣ ва дастовардҳои саноатчиёни пойтахтро таҳрезӣ намудааст. Ҳамчунин, дар Боғҳои фарҳангию фароғатии дар боло зикршуда сайругашти оммавии идона ташкил карда мешавад.                        Шоми 27 июн соати 18 дар Амфитеатри Душанбе бо иштироки беҳтарин ситораҳои эстрада таҳти унвони «Ваҳдати дилҳо» консерти идона баргузор мегардад.