ҚАТОРАҲОИ БОРКАШ НАВ КАРДА МЕШАВАНД

                Душанбе, 23 июл. (АМИТ «Ховар», Лаззат Диловарзод).- Бино ба иттилои ҷонишини сардори Корхонаи воҳиди давлатии «Роҳи оҳани Тоҷикистон» Владимир Собкалов, соли ҷорӣ парки локомотивӣ аз ҳисоби хариди қатораҳои нави боркаш аз Федератсияи Русия нав карда мешавад.                Дар парки локомотивӣ 1910 қатораҳои боркаш нигоҳ дошта мешавад, ки 830 — тои он корношояманд, — мегӯяд Владимир Собкалов.               Соли ҷорӣ бо истифода аз ҳама имкониятҳои мавҷуда, 149 қатораи боркаш харидорӣ гардид, ки 50 — тои он барои кашонидани маҳсулоти кишоварзӣ пешбинӣ шудааст.Аз ибтидои таъсиси Корхонаи воҳиди давлатии «Роҳи оҳани Тоҷикистон» бори нахуст ин миқдор қатора харидорӣ гардид.               Ин мазмуни онро дорад, ки «Роҳи оҳани Тоҷикистон» 9 фоизи қатораҳои боркаши худро нав кард ва барои пурра сохтани он боз 10 соли дигар лозим аст.