ҚОЧОҚЧИЁНИ ТОҶИК ДАР КИШВАРИ ПРИМОРЙЕ ДАСТГИР ШУДАНД
Приморие, 21 июл. (АМИТ «Ховар» — Лента.Ру). — Кормандони мақомоти муҳофизи қонуну тартиботи кишвари Приморйе ба қарибӣ гурӯҳи қочоқчиёни маводи нашъадорро дастгир намуданд, ки 10,6 килограмм моддаи нашъадори героинро дар мошинаи ҷомашӯӣ ва зарфҳои пластикӣ ҷой карда, ба Владивосток бурдан мехостанд. Қайд карда мешавад, ки ин қадар маводи нашъадор дар кишвари Приморйе дар давоми даҳ соли охир бори аввал мусодира карда шуд. Аз рӯи маълумоти раёсати хадамоти федералии назорати маводи нашъадори кишвари Приморйе шаҳрвандони Тоҷикистон мехостанд маводи нашъадорро бо ду мошин аз Владивосток ба Находка баранд. Онҳо моддаи нашъадорро дар дохили мошини ҷомашӯӣ пинҳон карда буданд. Як қисми маводи нашъадор дар зарфҳои пластикии оби нӯшокӣ ҷой карда шуда буд. Тафтиш нишон дод, ки мошинаи ҷомашӯӣ маҳз барои бурдани маводи нашъадор ба кишвари Приморйе як рӯз пеш аз дастгир шудани қочоқчиён харида шудааст. Қочоқчиён дар роҳи мошингарди Угловое — Находка дастгир шуданд. Онҳо дар давоми амалиёти дастгир шуданашон ба кормандони милиса муқобилат нишон дода, мехостанд аз ҷои воқеа ғайб зананд. Тахмин карда мешавад, ки маводи нашъадор ба кишвари Приморйе ба воситаи нақлиёти роҳи оҳан оварда шудааст. Ба қавли коршиносон маводи нашъадори мусодирашуда истеҳсоли Афғонистон мебошад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
