ҲОСИЛИ МИЁНАИ ҒАЛЛА 28 СЕТНЕР АСТ

                    Душанбе, 21 июл. (АМИТ «Ховар», Лаззат Диловарзод).- Тибқи маълумоти Кумитаи давлатии омор, дар корхонаҳои кишоварзӣ ва хоҷагиҳои деҳқонӣ (фермерӣ) то 1-уми июли соли ҷорӣ масоҳати 93 ҳазору 467 гектар зироатҳои ғалладона даравида шудааст, ки аз он 78 ҳазору 301 гектар кӯфта шуда 218 ҳазору 522 тонна ғалла истеҳсол карда шудааст, ки ҳосилнокии ҳар гектар 27,9 сентнериро ташкил намуд. Аз миқдори ғаллаи рӯёнидашуда 195 ҳазору 365 тоннаи он гандум буда, ҳосилнокиии он аз ҳар гектар ба 28, 5 сентнерӣ расонида шудааст.                     Дар ин муддат аз 540 гектар замини картошка 22 ҳазору 630 тонна ҳосил ба даст омадааст, ки ҳосилнокии ҳар гектари он ба 150 сентнер баробар аст.                     Аз 2868 гектар сабзавот 5 ҳазору 511 тонна ҳосил ҷамъоварӣ гардидааст. Ба зами ин дар нимсолаи аввал 12 ҳазору 803 тонна мева низ ҷамъоварӣ гардидаааст.