54 ҲАЗОР МУҲОҶИРЗАНИ ТОҶИК ДАР РУСИЯ

                   Душанбе, 20 июл. (АМИТ «Ховар», Ибодат Давлатова). — Дар шаш моҳи соли равон ба Хадамоти шуғли аҳолии Вазорати меҳнат ва ҳифзи иҷтимоии аҳолии Ҷумҳурии Тоҷикистон 39,6 ҳазор, аз ҷумла 19,3 ҳазор занон барои таъмин бо ҷойҳои корӣ муроҷиат намудаанд, иттилоъ дод дар нишасти матбуотӣ муовини аввали раиси Кумитаи занон ва оилаи назди Ҳукумати Ҷумҳурии Тоҷикистон Қиматгул Алибердиева.                   Аз он 11,1 ҳазор нафар шаҳрвандон, аз ҷумла 24,3 фоизи занон бо ҷойҳои кор таъмин гардиданд.                    Инчунин, бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкори бо Ассотсиатсияи ташкилотҳои ҷамъиятӣ 852 166 нафар муҳоҷирони меҳнатӣ дар Федератсияи Русия ба таври расмӣ ба қайд гирифта шудаанд, ки 54 000 нафарашон занонанд ва 68 фоизи ононро синну соли аз 21 то 54 сола ташкил медиҳад.