ЧОРАБИНИҲОИ ТАНТАНАВӢ БАХШИДА БА РӮЗИ МАЪЮБОН

                  Душанбе, 8 июл. (АМИТ «Ховар», Ибодат Давлатова).- Имрӯз дар толори Маркази фарҳангии ҷaвонон «Ориёно» бахшида ба Рӯзи маъюбон ва пиронсолон ҷаласаи тантанавӣ бо иштироки маъюбон баргузор гардид.                 Чорабинии мазкурро Ташкилоти ҷамъиятии «Иттиҳодияи маъюбони Тоҷикистон» ки ҳамасола дар ин рӯз чорабиниҳои идона бо иштироки маъюбони шаҳри Душанбе ва намояндагони ташкилотҳои минтақавии Иттиҳодия баргузор мегардонад, созмон дод.                 Тавре иштирокчиёни чорабинӣ қайд намуданд, ҳадафи аслии баргузории ин чорабиниҳо исбот кардани он, ки маъюбон низ узви ҷудонашавандаи ҷомеа мебошанд, ва Ҳукумати Ҷумҳурӣ доимо кӯшиш ба харҷ медиҳад, ки вазъи иҷтимоии шахсони имконияташон маҳдудро беҳ гардонад.                 Дар фарҷоми ин ҷаласа чорабиниҳои фарҳангӣ бо иштироки ҳаваскорони маъюб баргузор гардид.