ДАР ҲИСОР ҚАСР ОТАШ ГИРИФТ

                  Душанбе, 15 июл. (АМИТ «Ховар», Анварбек Сиддиқов). -14 июл, дар ноҳияи Ҳисор бо сабабҳои номаълум Қасри фарҳанг воқеъ дар кӯчаи Ф. Абдуллоев оташ гирифт. Масоҳати умумии сӯхтор 450 метри мураббаъро ташкил дод. Ҳангоми расида омадани сӯхторхомӯшкунандагон аллакай боми бино оташ гирифта буд.                  Ҳангоми сӯхтор коргардони Қасри фарҳанг Шамсиддин Нуриддинов 15%-и баданаш сӯхта ба беморхонаи ноҳияи мазкур бурда шуд. Тавре аз маркази матбуоти ВКД-и ҷумҳурӣ ба АМИТ «Ховар»хабар доданд, хисороти аз сӯхтор расида 30 ҳазор сомониро ташкил дод. Айни ҳол сабабҳои сӯхтор муайян карда мешавад.