ДАР МАКТАБҲОИ ТОҶИКИСТОН ФАННИ НАВ ОМЎХТА МЕШАВАД

                   Душанбе, 7 июл. (АМИТ «Ховар», Лутфия Эшонқулова).- Аз соли нави хониши 2009-2010 дар тамоми мактабҳои миёнаи Тоҷикистон фанни нав дар бораи ҳуқуқи дин (фикхи ханафия) «Маърифати ислом» ҷорӣ хоҳад шуд. Ин фанни нав тибқи фармони Президенти ҶТ ва ба муносибати Соли бузургдошти Имоми Аъзам омӯхта мешавад. Фанни мазкур асосан дар синфҳои боло омӯхта мешавад.                   Айни ҳол аз рӯи ин фан барномаи таълимӣ ва китоби дарсӣ тайёр карда мешавад. Дар ин бора ба АМИТ «Ховар» роҳбари дафтари матбуотии Вазорати маорифи ҶТ Ноилшо Нуралиев хабар дод.