ДАЪВАТ КАРД АСИРИ АМРИКОӢ АФҒОНИСТОНРО ТАРК НАМОЯНД

                  Доҳа, 20 июл. (АМИТ «Ховар» — РБК). — Ширкати телевизионии «Алҷазира» — и Қатар сабти навори видеоии хизматии ҳарбии амрикоиро намоиш дод, ки толибон дар қисмати шарқии Афғонистон дар вилояти Пактиё асир гирифтаанд. Дар навор аскари ҷавони амрикоӣ тасвир ёфтааст, ки либоси анъанавии афғонӣ пӯшида буд. Вай роҳбарияти мамлакаташро даъват намуд, ки тамоми қисмҳои ҳарбии худро фавран аз Афғонистон барорад.                   Асири ҳарбӣ ба роҳбарияти мамлакатш хитоб карда, гуфт: «Хоҳишмандам, моро, аз асорат наҷот дода, ба зодгоҳамон баргардонед. Мо намехоҳем умри худро дар ин сарзамини бегона бе ягон мақсад ва беҳуда гузаронем!».                   Дар навор инчунин, гарданбанди оҳанини хизматчии ҳарбии амрикоӣ намоиш дода шуд, ки дар он ному фамилияи ӯ сабт шудааст. Аскари мазкур ягона хизматчии ҳарбии амрикоӣ мебошад, ки бади соли 2002 дар Афғонистон асир гардидааст.                    Хабар дода мешавад, ки ҷузъу томҳои низомии ИМА моҳи июл ба муқобили Толибон маъракаи доманадори ҳарбӣ оғоз кард.                   Вазорати мудофиаи ИМА воқеаи нишон додани асири ҳарбиро дар телевизиони «Алҷазира» шадидан маҳкум намуд. Қайд карда шуд, ки ин иқдом ҳадафи ташвиқу тарғиби фаъолияти ҷунбиши толибонро дорад. Мо онро як навъ поймол намудани ҳуқуқи байналхалқӣ шуморида, кӯшиш хоҳем кард, ки аскари асирафтода ҳар чӣ зудтар озод карда ба ватан баргардонда шавад, гуфта мешавад дар изҳороти дафтари матбуоти Пентагон.                                                                                                Тарҷумон — Қудратов А.