ИҶЛОСИЯИ БИСТУМИ МАҶЛИСИ МИЛЛИИ МАҶЛИСИ ОЛИИ ҶТ

                 Душанбе, 2 июл. (АМИТ «Ховар»).- Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев мутобиқи моддаи 24 Қонуни консититутсионии Ҷумҳурии Тоҷикистон «Дар бораи Маҷлиси олии Ҷумҳурии Тоҷикистон» роҷеъ ба даъвати иҷлосияи бистуми Маҷлиси миллии Маҷлиси Олии Ҷумҳурии Тоҷикистон даъвати сеюм қарор қабул намуд. Мувофиқи қарори қабулшуда, иҷлосияи бистуми Маҷлиси миллии Маҷлиси Олии Ҷумҳурии Тоҷикистон даъвати сеюм 23 июли соли 2009, соати 8 дар шаҳри Душанбе даъват карда мешавад.               Шӯрои Маҷлиси миллии Маҷлиси Олии Ҷумҳурии Тоҷикистон хабар медиҳад, ки ба рӯзномаи иҷлосияи бистуми Маҷлиси миллии Маҷлиси Олии Ҷумҳурии Тоҷикистон даъвати сеюм масъалаҳои зерин дохил карда шудаанд:                Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон»               Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот»               Қонуни Ҷумҳурии Тоҷикистон «Дар бораи суғуртаи мутақобила»               Қонуни Ҷумҳурии Тоҷикистон «Дар бораи нигоҳдории биноҳои бисёрхонагӣ ва ширкати соҳибмулкони манзил»                Ҳамзамон баррасии дигар қонунҳою санадҳои ҳуқуқии вобаста ба масъалаҳои ҳаёти иҷтимоӣ, иқтисодӣ ва фарҳангии кишвар дар назар аст.