ИМРӮЗ ҚУСУФИ ПУРРАИ ОФТОБ БА АМАЛ МЕОЯД

                     Маскав, 22 июл (АМИТ «Ховар» — Нюс. Ком.). — Имрӯз, 22 июл ҳодисаи нодири табиӣ, яъне пурра гирифтани Офтоб мушоҳида карда мешавад. Ин ҳодиса шаш дақиқаю 39 сония давом мекунад. Ҷараёни гирифтани Офтобро дар қаламрави Ҳиндустон, Чин, ҷазираҳои ҷанубии Ҷопон, бисёр минтақаҳои Русия ва ғайра мушоҳида кардан мумкин аст.                      Сокинони Русия қисман гирифтани Офтобро аз соати 10 -у 39 дақиқаи вақти Маскав дар қисмати ҷанубии Сибир ва Шарқи Дур, қисмати қазоқистонии Урал ва Поволже мушоҳида хоҳанд кард.                      Ин ҳодисаи нодири табиӣ танҳо соли 2132 такрор хоҳад шуд. Бинобар ин олимон ба он мароқи калон зоҳир менамоянд.