ЛОИҲАИ НАВИ ҚОНУН ДАР БОРАИ ЗАБОН

                 Душанбе, 20 июл.(АМИТ «Ховар», Лаззат Диловарзод).- Раиси Ҳукумати Ҷумҳурии Тоҷикистон Эмомалӣ Раҳмон лоиҳаи нави Қонун «Дар бораи забони давлатӣ дар Ҷумҳурии Тоҷикистон»-ро ба имзо расонида барои баррасӣ ба парлумони ҷумҳурӣ ва вазорату идораҳои дахлдор ирсол намуд.                 Лоиҳаи қонун аз 17 боб ва 28 модда иборат аст. Мувофиқи моддаи 13 ва 20-и лоиҳаи қонуни мазкур, минбаъд тамоми эълону реклама, бланкаю нархномаҳо плакатҳо ва дигар хабарҳои мавриди назар дар Ҷумҳурии Тоҷикистон ба забони давлатӣ (тоҷикӣ) баён карда мешаванд.                  Ҳамчунин гуфтушунид, мукотиба бо консулҳои дипломатӣ ва идораҳои консулгарӣ, ташкилотҳои байналмилалӣ, байнидавлатӣ ва минтақавӣ, ки дар ҳудуди Тоҷикистон кору фаъолият мебаранд ба забони давлатӣ ва забони расмии ин ташкилот амалӣ гардонида мешавад.