МУҲОКИМАИ МЕЪЁРҲОИ ИСТИФОДАИ ЗАБОНИ ДАВЛАТӢ

                 Душанбе, 11 июл. (АМИТ «Ховар», Людмила Дубинина).- Дирӯз дар Пажӯҳишгоҳи забон ва адабиёти ба номи Абуабдулло Рӯдакии Академияи илмҳои Тоҷикистон дар мавзӯи «Меъёрҳои истифодаи забони адабии тоҷик» конфронс баргузор гардид. Конфронс ба 20- солагии қабули Қонун «Дар бораи забони давлатӣ» бахшида шуд. Дар он намояндагони муассисаҳои илмии академияи илмҳо, мактабҳои олӣ, намояндагони воситаҳои ахбори оммавӣ ва зиёиён иштирок намуданд. Дар конфронс масъалаҳои риояи меъёрҳои истифодаи забони давлатӣ дар ҳаёти ҷамъиятӣ ва фаъолияти сохторҳои давлатӣ мавриди баррасӣ қарор дода шуд.                 Зикр шуд, ки дар ин масъала баробари натиҷаҳои мусбат ҳанӯз ҳам камбудию норасоиҳо хеле зиёд аст. Қайд карда шуд, ки айни ҳол дар Тоҷикистон «Дар бораи забони давлатӣ» қонуни нав таҳия карда шудааст ва муҳокимаи лоиҳаи он давом дорад. Дар ҳуҷҷат на танҳо мақоми забони давлатӣ, балки роҳу усулҳои ҳифзи забонҳои дигари миллатҳои сокини Тоҷикистон муайян карда шудаанд.                                                                                                         Тарҷумон Қудратов А.