НИШАСТИ МАТБУОТӢ ДАР КӮЛОБ

                      Кӯлоб, 21 июл. (АМИТ «Ховар», Сулаймон Холов).- Дар шаҳри Кӯлоб нишасти матбуотӣ баргузор гардид. Раиси шаҳри Кӯлоб Ҳамид Абдуллоев аз вазъи иқтисодию иҷтимоии шаҳр дар тӯли шаш моҳи соли ҷорӣ ба хабарнигорони ВАО ахборот дода гуфт, ки нақшаи қисми даромади буҷаи маҳалӣ 104,4% иҷро гардида, ба ҷои 7487,7 ҳазор сомонӣ 7820516 сомонӣ ворид карда шуд. Нақшаи андози иҷтимоӣ бошад 107,7%-ро дар бар гирифта ба ҷуз аз 1 сарчашмаи даромад, яъне боҷи давлатӣ аз дигар манбаъҳои андоз иҷроиши нақша сифатнок таъмин гардид. Дар ҷараёни нишаст аз фаъолияти корхонаҳои саноатӣ, таъмини аҳолӣ бо оби нӯшокӣ маориф, фарҳанг, тандурустӣ, таъмири роҳҳо ва дигар масъалаҳои мубрами рӯз саволу ҷавоб сурат гирифт. Ҳамид Абдуллоев ба саволҳои хабарнигорон ҷавобҳои мушаххас дод.