НИШАСТИ МАТБУОТИИ ПРОКУРОРИ ҲАРБИИ ГАРНИЗОНИ ВИЛОЯТИ СУҒД

                    Хуҷанд, 11 июл. (АМИТ «Ховар», Санавбар Мақсудова).- Прокурори ҳарбии гарнизони вилояти Суғд Сафаралӣ Мирзоев дар ҷараёни нишасти матбуотӣ хабар дод, ки дар давоми 6 моҳи аввали соли 2009 дар қисмҳои ҳарбии дар ҳудуди вилоят ҷой додашуда 14 ҳодисаи аз маҳалли хизмат гурехтани хизматчиёни ҳарбӣ ва 21 ҳодисаи худсарона тарк намудани маҳаллӣ хизмат ба қайд гирифта шуд. Ин нисбат ба ҳамин давраи соли гузашта хеле кам мебошад.                    С. Мирзоев дар ҷавоби саволи мухбири АМИТ «Ховар» изҳор намуд, ки дар ин муддат дар ҷузъу томҳои низомии ҳудуди вилоят ягон ҳодисаи муносибатҳои ғайринизомномавии аскарону афсарон ба қайд гирифта нашудааст. Дар нимсолаи аввал 4 ҳодисаи вафоти аскарон ба қайд гирифта шуд, ки яке аз онҳо сӯиқасд ба ҷони худ мебошад.