ПРЕЗИДЕНТҲОИ АФҒОНИСОН, ПОКИСТОН ВА РУСИЯ БА ДУШАНБЕ МЕОЯНД

                  Душанбе, 20 июл.(АМИТ «Ховар», Лаззат Диловарзод).- Бино ба иттилои сардори департаменти иттилоотии Вазорати корҳои хориҷӣ Давлат Назриев, рӯзҳои наздик роҳбари давлати Покистон Осиф Алим Зардорӣ бо сафари расмӣ озими Тоҷикистон мегардад.                  Дар назар аст, ки дар рӯзҳои сафари расмии ӯ президенти Россия Дмитрий Медведов ва президенти Афғонистон Ҳомид Карзай низ бо сафари корӣ ба Тоҷикистон меоянд. Мақсад аз ташрифи роҳбарони давлатҳои фавқулзикр муҳокимаи пайвасти роҳи нақлиётӣ, алоқа ва хатти шабакаҳои барқии Тоҷикистону Қирғизистон ба Афғонистон ва Покистон мебошад.                  Дар ин дидор ҳамчунин масъалаи амалӣ сохтани Барномаи интиқоли барқи Осиёи Марказӣ ба Осиёи Ҷанубӣ ва таъсиси бозори фурӯши қувваи барқи Осиёи Марказӣ ба Осиёи Ҷанубӣ дар доираи Барномаи «CASA — 1000» мебошад.