РӮЗИ ЗАБОНРО ДАР БОҒИ РӮДАКӢ ҶАШН МЕГИРАНД

                Душанбе, 20 июл. (АМИТ «Ховар», Лутфия Эшонқулова). — Бахшида ба Рўзи забон Вазорати фарҳанги ҶТ, Кумитаи радио ва телевизиони назди Ҳукумати Ҷумҳурии Тоҷикистон ва Иттифоқи нависандагони Тоҷикистон, 22 июл дар Боғи истироҳат ва фароғатии шаҳри Душанбе ба номи Абуабдуллои Рўдакӣ барномаи идона баргузор мегардонанд.                Дар он раиси Иттифоқи нависандагони Тоҷикистон Меҳмон Бахтӣ, намояндагои Ҳукумати шахр ва аҳли илму адаби ҷумҳурӣ иштирок хоҳанд кард.                Аз рӯи барномаи тарҳрезишуда, дар чорабинии мазкур шоирон Муҳаммад Ғоиб, Меҳриниссо, Раънои Мубориз, Низом Қосим қироати шеър намуда, ҳунармандони хизматнишондодаи ҷумҳурӣ Файзалӣ Ҳасанов, Афзалшо Шодиев, Лола Азизова, Парда Қосим ва ансамбли рақсии «Лола» бо баромадҳои консертии худ табъи тамошобинонро шод мегардонанд.                Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.