ТАЛАБОТ БА АСЪОРИ ХОРИҶӢ КАМ ГАШТ

                 Душанбе, 23 июл. (АМИТ «Ховар», Бекназари Абӯбакр). — Дар давоми рӯзи 22 июл қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе паст шуда, ба ҳисоби миёна 4,4288 — 4,4456 сомониро ташкил дод. Ин поёнравӣ вобаста ба кам шудани талабот ба асъори хориҷӣ мебошад. Қурби миёна аз рӯи амалиёти хариду фурӯши рубли русӣ ва евро тағйир наёфта, мувофиқан 1,39 — 1,40 сомонӣ ва 6,15 — 6,19 сомониро ташкил намуд.                 Аз маркази матбуоти Бонки миллии Тоҷикистон ба АМИТ «Ховар» иттилоъ доданд, ки дар бозорҳои байнибонкӣ ва дохилибонкӣ низ қурби миёнаи хариду фурӯши асъори хориҷӣ поён рафта, мутаносибан 4,43 сомонӣ барои 1 доллари ИМА, 1,40 сомонӣ барои 10 рубли русӣ ва 6,17 сомонӣ барои 1 евроро ташкил доданд.